SOUTH CAROLINA, Merca – Investigadonan a haya un curpa den un granja noorwest na South Carolina, caminda cu un dia prome, nan a haya un muhe di 30 aña “cadena manera un cacho” dentro di un container di carga.
Kala Brown, kende a disparce cu su amigo dos luna pasa, a adverti autoridadnan cu den e luga por tin otro victimanan. Un sospechoso cu a secuestr’e a wordo deteni.
Ainda tin hopi pregunta riba e caso macabro aki.
Te asina leu, esaki ta loke nos sa:
Murray Glenn, ocero di e Procuraduria di e di 7 districto, no a specifica si e curpa haya ta di un hende homber of hende muhe.
Brown a bisa na e investigadonan cu e ta kere cu cuater persona por ta dera riba e propiedad.
Un cacho rastrado a detecta algo durante un buskeda di diahuebs, e comisario di e condado Spartanburg, Chuck Wright a bisa, pero no ta cla si esaki a caba na hayasgo di e curpa.
Wright a bisa diabierna cu ta hopi pronto pa bisa con e persona a muri. Tampoco el a comenta ora a puntr’e si e tabata un cadaver of otro tipo di resto cu a wordo haya.
Brown a disparce na final di Augustus, hunto cu su amigo Charles David Carver.
Despues cu e pareha a disparce, famianan preocupa a bisa prensa cu nan a cuminsa mira mensahenan criptico riba Facebook riba e pagina di Carver y tabata tin miedo cu el a wordo gehacked, segun WSPA-TV, afilia na CNN. Luna pasa, e pagina a wordo elimina.
Procurador Barry Barnette a bisa un hues pa tin comparecencia di Todd Kohlhepp, e homber deteni diahuebs, cu Brown a bisa investigadonan cu ela mira e sospechoso mata su amigo.
Fuente: CNN en Español