CARACAS, Venezuela – E cadaver di un hoben di 23 aña, identifica como Osmel Bustamante, a wordo localisa riba e rielnan di liña 3, di e metro di Caracas, entre e stacionnan di El Valle y La Bandera.
E curpa den estado avansa di descomposicion a wordo nota pa conductornan di e servicio subteraneo, kendenan a percata di e presencia di e curpa den e via ya menciona di loke nan a denuncia e caso na e supervisornan di e sistema, kendenan a alerta autoridad.
Den oranan di atardi di dialuna, a activa un operativo di buskeda caminda cu a participa seis operador, kendenan a acudi na verifica e situacion den e tunelnan unda cu nan a topa cu e curpa, e cadaver a wordo traslada pa e morgue di Bello Monte.
Autoridadnan ta presumi cu e hoben tabata biaha den e zona di acoplamento entre e vagonnan di e trein, unda cu tabata tin custumber entre usuarionan pa biaha. Parce cu el a perde su balance y a caba den cay riba e rielnan y a fayece.
Famianan di e difunto tabata buscando e hoben desde siman pasa ora cu el a sali for di su cas. E tabata studiante den e sede di El Paraiso na Iutirla. Ultimo biaha cu nan a wak’e, tabata dia 1 di Februari, pa 5’or di atardi.
Fuente: El Universal