Presidente di Sindicato SIMAR, sra. Josephine Albertus ta comparti e preocupacion di e situacion di muchanan cu ta bay scol cu arma blanco. E ta bisa cu for di aña pasa, tabatin diferente comision pero no a yega na nada.
E ta bisa cu trahando conhuntamente cu directie onderwijs y directiva di scolnan pa traha riba encuesta pa asina por tin claridad riba e punto aki. Segun e ta bisa cu a keda cla cu scol primario, falta esun secundario y avansa.
Pero pa motibo di pandemia di Covid-19 tur cos a keda atrasa. E ta bisa cu nan a trece e punto dilanti na minister di ensenanza. “E parti di guia di zorg pa e muchanan no ta amplio na Aruba, awo cu Covid-19, el a bira pio.”
Segun sra. Albertus, 23% di zorg leerling awo a bira 55%. Esey ta muchanan cu mester guia y no por yuda nan mirando e situacion actualmente ‘e ta bira dificil’. “E situacion na cas a bira mas erg cu mayornan cu ta gana minimumloon of nada.
Dus mester traha riba esaki pa bin cu un plan”, e ta splica Pa e motibo aki encuesta lo mester tuma luga pa por tin un bista. E ta bisa cu esaki mester involucra tur scol cu nan docentenan pa haya un bista miho pa asina por ehecuta e plan ora keda cla ‘ta trahando riba dje si.”