BRUSSEL, Belgica – E stacion nort di Brussel a wordo habri diaranson un ora despues di a wordo evacua pa polis debi na un alerta falso di bom, e cadena publico RTBF a informa.
Un yamada a activa e alarmanan y a obliga na evacua e stacion di trein, incluyendo su cabina di señalacion pa mas of menos 1’or y 20 di merdia, pero a bolbe habri bek pa publico poco mas di un ora despues.
E ceramento a provoca e interupcion di e circulacion di trein y tram den esaki, segun e agencia Belga.
“Circulacion interumpi pa orden di Polis. E retraso y cancelacionnan ta posibel,” e Sociedad Nacional di Trein di Belgica a señala, riba su pagina web.
Segun e empresa Infrabel, e hecho cu e circulacion a keda tanto tempo interumpi, a provoca “restrasonan grandi te na fin die biahe”, den algun liña.
E edificio Portalis, cu ta acoge e Fiscalia di Brussel y ta den inmediacionnan di e stacion, tambe a wordo evacua.
Un yamada anonimo a adverti e presencia di un bom den e edificionan di e stacion y e Fiscalia, segun e corant “la Libre Belgique.”
Te na e momento no tin indicacion di un atake terorista, segun Jennifer Vanderputten, a indica, kende ta vocero di e Fiscalia di Brussel, kende no a duna mas detaye riba e hecho.
Fuente: NTN24