COLOMBIA – E banda “los tarjeteros” tabata opera na Barranquilla, Sincelejo y Santa Marta y tabata conta cu 20 orden di captura pa e delito di concierto pa comete delincuencia, hortamento via medionan informatico y dañonan informatico. Agentenan di Sijin a realisa inteligencia pa 10 luna y a identifica cu entre 2015 y 2017 e banda a horta aproximadamente $1.600.00 y e victimanan principal tabata hende muhe cu mucha na man y personanan di tercera edad.
Di acuerdo cu autoridad, e grupo aki tabata opera bao di e modalidad di “cambiazo”. E delincuentenan tabata manipula e atmnan cu e fin di evita e bon funcionamento di esaki. Criminalnan tabata uza lijm den e gleufnan di e carchi of cu e boton di cancela ta keda fiha, pa e tarhetanan keda tranca.
Ora cu e usuario no por sigui cu su transaccion, e “cambiador” ta purba di distrae y ta yud’e saca su carchi pa realisa e cambio di plastic y capta e clavenan. Una bes cu e delincuentenan obtene e clavenan aki, ta acerca e otro atmnan, pa realisa e retiro y ta realisa compra te hasta desocupa e cuentanan.
Segun unidadnan special di Sijin di Polis Metropolitano di Barranquilla, “los tarjeteros” tabata realisa robonanonline y tabata uza “los bodegueros”, personanan di recursonan abao cu tabata presta nan identidad y informacion di nan cuenta bancario a cambio di $50.000 y $60.000 pa e delincuentenan por realisa transaccionnan online y consignacion na nomber di e personanan aki.
E detencion di e 16 delincuentenan a tuma luga den e zonanan unda cu nan tabata opera na Barranquilla, Sincelejo y Santa Maria. Durante e captura a decomisa 49 tarheta di diferente entidad bancario y un hard drive.
Fuente: El Espectador