Dialuna, dia 19 di September a keda conoci e confirmacion di e Camara Binacional di Comercio, Exportacion y Inversion Aruba-Venezuela.
Dicho Camara a forma parti di uno di e acuerdonan di e recien celebra 1er Rondo di Negoshi entre ambos pais cual a tuma luga na Aruba, durante e dianan 1 y 2 di September y caminda cu a participa di parti di Venezuela, 78 empresa nacional productor di diverso rubro y otro 65 den representacion di comerciante y importado di Aruba, kendenan no solamente a mustra interes den e oferta exportabel Venezolano sino cu a logra concreta compranan di productonan fabrica na Venezuela cu calidad di exportacion.
Den e prome Rueda Binacional di Negoshi, cu a tuma uga na principio di luna, a asisti tambe pa Aruba, e Minister Paul Croes como tambe representantenan di e ehecutivo di e isla y pa Venezuela a destaca e presencia di e minister di comercio exterior y inversion internacional, e economista Jesus Faria como tambe e minister di Pesca y agricultura, Angel Belisario y e vice minister di turismo, Ali Padron.
Di igual manera, autoridadnan di ARINA cu ta e departamento encarga di e captacion di inversion pa e zona special di desroyo di San Nicolas, zuid di e isla, luga caminda cu e refineria cu pronto lo cuminsa opera.
E informacion riba e proximo inicio di actividadnan di e Camara Binacional a duna di conoce pa Arnoldo Garcia Herrero, vocero di e Motor Exportaciones di e Conseho Nacinal di Economia Productivo y direcivo di e empresa Venezolano Canteras y marmoles den reunion sosteni na Oranjestac u e consul di Venezuela di e isla, dr. Alirio Mendoza, kende tabata tin un participacion protagonico caminda cu a impulsa exportacionnan Venezolano pa e islanan di Caribe y e aumento progresivo di e actividad no solamente comercial, sino tambe di intercambio cultural y cientifico entre Venezuela y Aruba.
Di igual manera, a duna na conoce cu den e proximo simannan un embarcacion di PDV Marina, bao di e coordinacion di CORPOVEX ta realisando e ruta desde e puerto di La Guaira na Venezuela pa e waf di Barcadera cu e prome 90 container di producto di exportacion Venezolano, producto di negociacionnan concreta den e ultimo rueda binacional di negoshi entre esnan cu ta haya, productonan di construccion manera Pego, Ceramica, klinker, bentana y productonan di aluminio, pochinan di wc, glas, marmer, graniet y otro productonan mas. Tambe e Ferry Venezuela cu lo sali for di Guaranao na Punto Fiho, te cu e haf di Oranjestad, lo hiba otro producto y mercancianan di Venezuela pa e isla y lo hiba for di e isla turistanan Arubiano y di Caribe pa Venezuela, cu ta desea di conoce e peninsula di Paraguana y otro destinonan turistico di Estado Falcon y di e resto di e pais.