Den un conferencia di prensa awe media, Gobierno di Aruba a anuncia mas flexibilisacion di e medidanan tuma den cuadro di e pandemia di Covid-19.
E prome suavisacion ta cu un persona cu a haya ambos dosis di vacuna, no mester bay den cuarentena mas. Esaki tabata wordo pidi ora cu bolbe di biahe of tin conocinan cu covid-19.
E flexibilisacion mas grandi ta cu a elimina e uzo di tapaboca obligatorio. Sin embargo, Crisis Team ta adverti cu negoshinan por pidi pa su clientenan uza tapaboca. Y nan mes tambe ta recomenda pa uza esaki si no por mantene e distancia di 1.5 meter. E ta keda na cada ciudadano pa haci uzo di e tapaboca pa su mesun precaucion.
Personanan por biaha sin problema y sin mester cumpli cu exigencianan, mustrando e certificado di vacunacion.
Loke pueblo tabata pidi ta cu deportenan organisa por tuma luga cu publico presente, tambe deportenan di contacto por cuminsa wordo organisa. Awo Gebiedsverbod tambe a wordo elimina por completo.
Tur cambio den e medidanan ta drenta na vigor entrante 9 di juni, esta diaranson awo.
Despues di un caida den interes pa vacuna, recientemente a mira un aumento den e casonan di vacunacion atrobe.