BRASILIA, Brasil – Eduardo Cunha, ex presidente di e Camara di Diputado di Brasil y principal impulsor di e destitucion di e ex presidente Dilma Rousseff, a wordo aresta diaranson na Brasilia den marco di e operacion “Lava Jato.”
E politico, kende ta pertenece na e partido centro derechista Partido Democratico di e Movimento Brasileño (PMDB), e mesun cu presidente Michel Temer, a wordo deteni pa Polis Federal (PF) na Brasilia. Su car den e bario di Barra da Tujica, na Rio de Janeiro, tambe a wordo registra, segun DPA.
Di acuerdo cu Agencia Brasil, Polis Federal a confirma e prizon preventivo di Cunha y a informa cu e ta wordo hiba pa e hangar di forsa policial na Brasilia pa wordo embarca pa Curitiba, unda cu investigacionnan ta tumando luga.
E buskeda y posterior detencion di Cunha, a wordo autorisa pa e huez federal Sergio Moro, kende ta na cargo di e procesonan di e causa pa corupcion, conoci como “lava Jato”, y kende ya a anuncia tambe cu lo habri huicio contra e ex presidente Luiz Inacio Lula da Silva.
Cunha ta un di e principal acusadonan den “Lava Jato”, e mayor causa pa corupcion den historia di Brasil, caminda cu mas di 50 politico di diverso partido ta wordo investiga.
Fuente: EL Universal