BRUSSEL, Belgica – Polis di Belgica a tuma den custodia 15 persona pa interoga nan como parti di un operativo contraterorista diamars, segun oficina di Fiscal Federal a bisa den un comunicado.
E operativonan a tuma luga na Gante, Deinze y Amberes. Nan no a haya ni arma ni explosivo, e comunicado ta bisa.
“E personanan aki a wordo acusa pa participa den actividad di un grupo terorista, entre otro, financi’e,” Ministerio Publico a bisa.
Cuater di e 15 personanan a wordo hiba dilanti un hues bao di sospecho di participa den actividadnan di un grupo terorista y/of recluta personanan pa uni na ISIS na Siria.
Ministerio Publico a informa cu nan no a establece vinculo cu e investigacion di e atakenan terorista dia 22 di Maart den e aeropuerto di Zaventem na Brussel y cu e stacion di metro di Maalbeek den e mesun ciudad.
Fuente: CNN en Español