Pa prome biaha den histtoria un temblor ta wordo registra riba planeta Marte door di e sisometro Frances, SEIS, segun e Centro Nacional di Estudionan Espacial di Francia (CNES).
E sisometro aki a wordo instala den e suelo di e planeta cora pa e vehiculo InSight di NASA.
Segun informacionnan, e temblor a wordo detecta riba e di 128 dia di e mision, dia 6 di april ultimo. Ta parce cu e ta bin for di e interior di Marte. E causa di e evento sismico aki ainda no ta conoci.
E tipo di temblornan aki nunca a yega di wordo capta for di Mundo. Sin embargo, debi na e superficie cu e superficie di Marte ta practicamente morto, e sensornan altamente sensibel di e sismometro a logra detecta e zonido zwak aki, segun cientrificonan a splica.
Otro tres señalnan tambe a wordo registra, cualnan tambe lo por ta di origen sismico. E señalnan aki tabata hopi mas debil y nan a wordo detecta solamente pa e sensornan ultrasensitivo di SEIS, e asina yama ‘VBB’.
E sonda espacial InSight, cu ta riba e planeta cora desde 26 di november ultimo, tin como obhetivo e estudio di e actividad sismologico di Marte.
Audio di e prome temblor registra ariba planeta Marte:
https://twitter.com/ActualidadRT/status/1120747372328443904/video/1