MELILLA, Spaña – Un red di traficante sospechoso di a introduci 166 migrante den e enclave bao di e administracion Spaño di Melilla (nort di Morroco), a wordo desmantela pa polis Spaño, un vocero di Guardia Civil a indica na AFP.
Shete Spaño y un Maroki a wordo deteni dia 8 di Maart, aunke no a informa al respecto te diaranson una bes cu e secreto a sali na cla di e instruccion hudicial, e vocero di Guardia Civil den e enclave a señala.
“E organisacion por a introduci di forma ilegal na 166 persona, tur di nan di procedencia Subsahariano, di loke nan no lo a obtene algun ingreso superior na 300 mil euro,” Guardia Civil a skirbi den un comunicado.
Un Spaño di 31 aña ta e supuesto lider di e red aki na Melilla, mientras cu un Maroki di 38 aña tabata traha p’e na e otro banda cu ta marca e frontera entre e enclave y Morocco.
E otro Spañonan deteni – entre nan un menor di edad y un muhe – tabata biba den e enclave.
E investigacion a cuminsa na September, ora cu Guardia Civil a constata un aumento den e cantidad di yegada di migrantenan clandestino na Melilla.
Pa drenta via lama, cada migrante mester a paga rond di 1500 euro pa e wordo transporta pa e costa abordo di un embarcacion ultra-lihe y ta scondi entre e piedranan di e puerto comercial, segun investigadornan.
Otronan tabata crusa e frontera via terestre, scondi den e dobel fondo di vehiculonan. E traficantenan “tabata por a introduci den cada vehiculo tres persona cobrando cada un di nan 4200 euro, e comunicado a añadi.
E enclavenan Spaño di Ceuta y Melilla, den nort di Morocco, ta e unico fronteranan terestre entre Africa y Europa. E migrantenan tabata purba regularmente pa introduci den nan cu e speransa di accede na e Union Europea (UE).
Un centenar di Africano a logra diamars di drenta den e enclave di Melilla, bulando e heki fronteriso tripel cu ta rondon’e, ekipa den algun parti cu punta skerpi.
FuenteZ: El Espectador