HANFORD, Washington – E central nuclear den e estado di Washington, a declara “un emergencia” door di e colapso di un tunel unda cu materialnan radioactivo tabata wordo transporta, e Departamento di Energia a informa awe.
E alerta a keda emiti despues cu a tuma luga e derumbe di un di e tunelnan cerca di e Planta di Extraccion di Plutonium y Uranium, pa 8’or y 26 di mainta, e Departamento a agrega den un comunicado.
Mirando cu “e tunelnan ta contene materialnan contaminante”, autoridadnan a ordena e evacuacion di e planta, cu ta mas of menos 360 kilometer zuidoost di Seattle y ta conta cu cerca di 200 mil meter cubico di residuonan radiactivo.
E planta di Purex tin mas di 20 aña bashi, pero ta sigui ta altamente contamina despues di a alberga operacionnan di procesamento di containernan cu plutonium almacena.
E Departamento di Energia a señala cu pa awor aki no a tuma medidanan respecto e habitantenan di e condadonan di Benton y Franklin, cercano na e instalacionnan nuclear, caminda cu 280 mil persona ta biba.
E central nuclear di Hanford a wordo crea na 1943, dentro di e proyecto Manhattan pa e desaroyo di e prome bom nuclear tira na Nagasaki (Hapon) y posteriormente a dedica e generacion di armanan nuclear durante e Guera Friu.
Na 2007, e tabata contene dos tercio di tur e residuonan di radioactividad halto di e pais.
Fuente: Efe News