Seis ehecutivo petrolero Mericano a biaha na Venezuela na 2017 y a keda cera pa cargonan di corupcion a keda declara culpabel,asina a informa un persona familiarisa na e caso.
Trahado di Citgo, Tomeu Vadell, Gustavo Cárdenas, Jorge Toledo, Alirio José Zambrano, José Luis Zambrano y José Ángel Pereira a keda condena pa 8 y 13 aña di prison, pero esfuerso pa libera e grupo di ‘Citgo 6’ lo sigui fuente a bisa.
Con e caso di Citgo 6 a cuminsa?
E veredicto di culpabilidad a pone na un saga di varios aña cu a cuminsa na november 2017 ora cu nan a ricibi un yamada di un hefe grandi di e compania petrolero PDVSA bisando pa nan bin Caracas pa un reunion di presupuesto.
Ora cu nan a yega, agente di siguridad arma a aresta pa cargonan di malversacion di fondo deriva di un propuesta nunca ehecuta pa refinancia un 4.000 miyon di dollar na bono di Citgo, ofreciendo un participacion di 50% na empresa manera garantia.
Segun e comunicado di CNN, Citgo a bisa cu e hende homber nan ta angustia di lesa e resultado y ta spera un resolucion cu lo pone nan den libertad. Cinco di e famia di e ‘Citgo 6’ ta ciudadano Mericano, famianan ta bisa cu e hende homber ta deteni den condicion inhumano, ta den un prizon di contra-inteligencia militar y ta perdiendo peso pa un pais cu tin escasez di cuminda.
Audencia semanal
Dos di e hende homber, Cardenas y Toledo, a keda den libertad abou di aresto domicilio na juli despues di un bishita humanitario na Caracas di ex-gobernador di New Mexico, Bill Richardson y un ekipo di negociante no gubernamental. E hende homber a cuminsa tene audiencia semanal na augustus despues di mas di dos aña detencion.