MEDELLIN, Colombia – For di diaranson, 22 di Maart, trucknan so por circula den e perimetro urbano di Medellin entre 10’or di mainta pa 5’or di atardi, como medida di pico y placa a aumenta desde diahuebs di cuater pa seis digito y opera entre 7’or di mainta pa 7’or di anochi te cu diasabra. E strategia aki ta busca pa mehora e calidad di aire den e capital di Antioquia, cu a wordo afecta di nobo, mirando cu awe a wordo decreta un Alerta Cora.
“Debi na condicionnan meteorologico desfaborabel pa e dispersion di contaminante, e registronan di monitoreo di e calidad di aire ta evidencia un aumento significativo di material particula PM2.5. E situacion aki ta wordo agrega na e proyeccionnan di calidad di aire durante e proximo oranan ta hiba na subi e nivel di Alerta Oranje pa Alerta Cora,” dies alcalrde di e Valle de Aburra.
Cu e decision ta spera cu sali for di circulacion rond di 30% di e vehiculonan, miho bisa 450 mil auto, pa busca un calidad di aire modera. Pa e taxinan no lo aplica esaki durante e dianan di e medida di pico y placa. Tampoco no ta tocanan cu e restriccion di vehiculonan di emergencia, particular y oficial cu ta uza gas natural, vehicular of energia electrico, e servicionan di transporte terestre automotor special, esunnan di transporte escolar, e destinadonan na transporte di alimentonan friu, transporte publico colectivo y bromernan destina na entrega di paki.
“Diadomingo, dia 26 di Maart no tin medida restrictivo di pico y placa ambiental, no obstante ta recomenta esnan cu ta uza nan auto, haci’e di manera comparti,” autoridadnan a agrega.
Durante e proximo tres dianan, scolnan di Medellin tambe lo tin cu suspende actividadnan fisico y recreativo den aire liber. Aunke ta premira cu te cu diasabra ta tuma luga restriccionnan nobo te cu e dia cu lo evalua e avance of retrocesonan den e mehoramento di calidad di aire y lo establece si ta sigui cu e medidanan y si ta pertinente cu diaomingo lo realisa e ciclovia.
Empresanan mester promove plannan di mobilidad sostenibel pa nan empleadonan, manera teletrabao y cambia e orario di ingreso y salida di su empleadonan. Metro, di su parti, lo aumenta e ofeerta den tres trein adicional den oranan piek.
Fuente: El Espectador