MOSUL, Irak – Forsanan militar di Irak a lansa diabierna un fase nobo den su ofensiva pa retoma e ciudad di Mosul, e ultimo bastion di ISIS.
E strategia ta un atake coordina pa obliga cu e Yihadistanan sali di varios districto oost di e ciudad. E comando Iraki ta reportando progresonan substancial apesar di un oposicion duro di e teroristanan.
Convoy di vehiculonan blinda y tankinan a acerca Mosul den varios angulo, apoya pa atakenan aereo y bombardeo di artiyeria pisa.
E ofensiva dilanti un fuerte resistencia di e combatientenan di e autodenomina Estado Islamico, cu a uza mortars, metrayadornan pisa y snipers.
Arwa Damon, di CNN, kende ta compaña un di e unidadnan Iraki, den e interior di Mosul, a informa cu e comunicacionnan di radio entre e tropanan di Irak ta duna cuenta cu Yihadistanan tabata den ofensiva den zonanan habita pa civil, loke ta complica e atake di forsanan Gubernamental.
Durante e hornada a duna periodonan di intenso disparo, caminda cu ta parce di ta un resistencia hopi mas duro cu a keda registra diahuebs, ora cu unidadnan Iraki a drenta pa prome biaha den barionan mas oriental di Mosul.
E teroristanan a cende tairanan na candela, pa asina haci e visibilidad di avionnan di vigilancia dificil. E columnanan di huma preto diki tabata visibel riba varios bario di Mosul.
E ekiponan di CNN desplega riba e tereno, a presencia e disparo di varios ronda anti aereo den zonanan ainda ocupa pa ISIS.
Television estatal Iraki a cita e tropanan contraterorista bisando cu cinco districto di Mosul a wordo libera diabierna. CNN no por a confirma di forma independiente e declaracion oficial aki.
Capital Zaytou Tendora, di e forsanan special di Irak, a bisa CNN cu un avion di e coalicion a bombardea cuater posicion di ISIS den e zona.
El a agrega cu e tironan di parti di ISIS, a cay den areanan residencial, matando shete y heridando 23 persona.
Den otro frente, e ofensiva, zuid di Mosul, capitan Tendora a sostene cu testigonan a bisa cu e teroristanan a ordena tur e civilnan di e ciudad di Hammam al Alil cu pa nan bay pa Mosul.
E orden a wordo duna via e speaker di e mosquenan.
Tin decenas di miles di persona na Hammam al Alil, unda e poblacionnan a incrementa den e ultimo lunanan door di e civilnan desplasa di forma forsa desde otro pueblonan cercano pa coercion di e Yihadistanan.
Gran parti di e ciudad, zuid y west, ta awo rodea pa unidadnan di e ehercito Iraki y polis federal.
E ehercito di Irak a informa rib su avance na e frente nort, unda cu a bisa cu awo ta controla a areanan cercano na Tal Kayf.
Civilnan ta sigui bandonando barionan di pafo di Mosul, apesar di e esfuersonan di autoridad pa mantene nan den nan hogar. Hopi a bisa cu a bira imposibel pa keda pasobra no tin ni awa ni cuminda.
Fuente: CNN en Español