LOS ANGELES, California – E studiante suspendi pa un universidad publico di California, door di a graba un video di un docente Hispano cu a referi na e eleccion di Donald Trump como un “acto di terorismo” ta ricibiendo un creciendo respaldo.
Caleb O’Neil, studiante di e Scol Comunitario Orange Coast, a filma e docente Olga Perez Stable Cos durante un les di sexualidad, na November ultimo.
E studiante a entrega e video na un grupo di studiantenan Republicano di e universidad, kendenan a haci e video aki publico riba Facebook, tras cual O’Neill a wordo investiga y suspendi pa dos periodo door di a filma sin autorisacion.
Igualmente a orden’e pa skirbi un essay di tres pagina y disculpa su mes cu e docente.
Despues di ofrece un rueda di prensa cu su abogado e siman aki, e studiante a ricibi numeroso mensahe di apoyo atrabes di distinto medio.
“Esaki ta un atake di e izquierdistanan di e academia pa protehe e derechonan di expresion di e nan instructornan radical, a costo di e derechonan di expresion di e studiantenan conservador riba e campusnan,” abogado William Becker, presidente di Freedom X, kende ta representa O’Neill.
“Sr. O’Neill ta de hecho un denunciante cu a duna luz riba un instru cu ta desperdiciando placa di e contribuyentenan y e matricula di e studiantenan,” Robert Bernosky, miembro di e Hunta di e districto Escolar di Hollister y vicepresidente regional di e partido Republicano, a señala den un comunicado.
Den un carta dirigi na e constituyentenan, e senador John Moorlach a opina cu si e universidad ta bay castiga e studiante, e mester tambe castiga e instructor.
Perez Stable Cos, di origen Cubano y kende a declara publicamente cu e ta lesbiana, igualmente a critico segun e video ta mustra, e vicepresidente Mike Pence, como un di e personanan “mas anti-gay” di e pais.
E docente, di kende e website “Rate my professors” a recoge tanto opinionnan faborabel como adverso, a sigura na Januari den un entrevista cu e corant Orange County Register, cu su privacidad “a ordo distrui.”
Dem e entrevista, e docente a afirma cu e no a haci ni bisa “nada incorecto.”
Perez no a responde na solicitudnan di EFE News pa comenta riba e informacion aki.
Fuente: Telemundo