Corte di e Districto West di Seoul a condena diaranson dos ex-alto funcionario di polis pa supuestamente ordo e destruccion di informe riba posibel problema di siguridad durante e celebracionnan di Halloween 2022 den e capital di Zuid Korea poco despues di e estampida mortal cu a cobra bida di 159 persona, segun e medionan local.
Concretamente, el a sentencia Park Sung-min, kende e momento ey tabata dirigi e Departamento riba Paz y Siguridad Publico y Asunto Exterior di Polis Metropolitano di Seoul na un aña y mey di prizon y Kim Jin-ho, kende tabata hefe di e Departamento di Inteligencia di comisaria di Yongsan, na un aña di prizon cu suspension di pena durante tres aña.
Park y Kim a wordo acusa di a ordo e suspension di cuater informe interno enfoca riba e posibilidad di aglomeracion den e zona di Itaewon, caminda e tragedia a sosode. Den un bista celebra december ultimo, Ministerio Publico a pidi un pena di tres aña di prizon pa ambos.
Na momento di emiti su veredicto, corte a bisa cu Park a preocupa mas p’e posibilidad cu lo a culpa Polis cu pa determina causa di e suceso, subrayando cu el a defrauda e ciudadania y a daña e transparencia di e actividadnan di inteligencia di polis ora a destrui e documentonan interno.
Tambe, corte a señala cu Kim lo a participa den un acto ilegal a pesar cu e oficialnan subordina a desvia di e ordennan di elimina e archief di e informenan na momento cu a añadi cu lo tabata dificil pa Kim rechasa ordo di su superiornan.
