EL OREJON, Colombia – E desminamento humanitario di e aldea Colombiano, El Orejon, cu ta forma parti di e municipio di Briceño (noordwest) y unda cu Gobierno y FARC a pone en marcha un plan piloto pa sanea e zona di explosivonan, a conclui diaranson, fuentenan oficial a informa.
De e dialogonan di paz di Havana, e partinan a acorda implementa e prome plan piloto di e desminamento humanitari na El Orejon, situa den e departamento di Antioquia, Canciyeria a recorda den un comunicado.
Pa e acto tabata premira pa acudi e vice minister di Relacionnan Exterior, Patti Londoño, y e Alto Consehero pa e Posconflicto, Rafael Pardo. Sin embargo e condicionnan ambiental a impedi pa e comitiva yega te El Orejon.
E plan acorda entre Gobierno y FARC tambe ta implica complementa e trabao di desminamento cu un estrategia integral di desaroyo social y teritorial, e informacion a agrega. E plan piloto, denomina “Gesos de Paz”, a supone 20 luna di trabao conhunto entre Gobierno y FARC.
E trabao coordina na El Orejon a permiti pa despeha 19849 meter cuadra y e desactivacion di 46 artefacto explosivo, loke a beneficia di manera directo y indirecto na mas di 560 persona.
Fuente: NTN24