FORT PIERCE, Florida – Un incendio den un mosque di Florida cu Omar Mateen, e atacante di Club Pulse a asisti, a wordo declara intencional, segun e Oficina di Sherif di e condado di St. Lucie a informa.
E candela a sosode durante e madruga di dialuna den e Centro Islamico di Fort Pierce. Mateen, kende a mata 49 persona den e Club di Orlando na Juni, a asisti na e mosque aki. Ningun hende tabata paden ora cu e candela a cuminsa, autoridadnan a informa. E contado di St. Lucie a responde na e candela pa 12’or y 31 di madruga ora local, despues cu dos conductor a yama e number di emergencia 911 pa reporta cu vlamnan tabata sali for di e dak di e edificio.
“Imagennan di camara di vigilancia den e edificio a revela cu un homber Hispano of di color bla a yega riba un brommer aproximadamente 11’or y 38 di anochi,” e comunidado di e oficina di sherif di e condado di St. Lucie a bisa. “Riba e video, parce cu e tabata tin un papel y un boter cu un especie di likido. E homber a acera e parti noordoost di e edificio y por a observa un flash, presumiblemente ora cu e candela a inicia. Despues e homber por a wordo mira ta alehando di e edificio.”
Polis awo ta buscando e homber, kende tabata tin un camisa botona, jeansnan cu bordanan den e saco posterior y un sombre di jaagdo. E homber por a kima su brasa mientras cu el a cuminsa cu e candela y e tabata core un brommer estilo Harley-Davidson, polis a bisa.
Fotonan revela pa polis a mustra cu e structura tabata parce intacto. Autoridadnan a purba verifica cu e edificio ta sigur prome cu drenta y a haci un evaluacion di e dañonan.
E vlamnan a wordo extingui rond di 5’or di mainta, segun autoridad.
Mateen a bay e Centro islamico di Fort Pierce desde 2003, e imam Syed Shafeeq Rahman, a revela na CNN. Mateen usualmente tabata bay resa riba e diabiernanan prome cu e atake riba e club di Orlando dia 12 di Juni.
E mosque tambe tabata luga di oracion pa Moner Mohammad Abu-Salha, un homber kende despues a converti den e prome atacante suicida Mericano na Siria.
Fuente: CNN en Español