NEW YORK CITY, New York – Polis di New Jersey a captura Ahmad Khan Rahami, di 28 aña, sospechoso di e explosion cu a sosode na Manhattan diasabra y cu a laga 29 hende herida.
Segun alcalde di New York, Bill de Blasio, cada biaha tin mas evidencia cu ta apunta cu tabata un acto terorista.
“Nos tin tur rason pa kere cu tabata un acto di teror,” el a bisa dialuna durante un rueda di prensa.
Autoridadnan a determina cu Khan Rahami tabata responsabel di e explosionnan na New York y New Jersey.
E captura a tuma luga despues di un intercambio di tiro cu Polis na New Jersey. E sospechoso a wordo hiba pa hospital y ta wordo trata den e clinica. E cuater polisnan cu a resulta herida durante e tiroteo ta for di peliger. E homber a wordo identifica door di fingerprint y a wordo gara den un bar. Segun autoridadnan a informa, e doño di e luga a identifica Rahami y a comunica cu polis. Dialuna, e gobernador Andrew Cuomo a bisa cu e bomnan haya e fin di similar, loke ta sugeri cu “por tabata tin un vinculo comun.”
Fuente: CNN en Español