Despues di a warda 3 aña, ta bin resulta cu tin un 90% di e comunidad cu no a paga nan servicio di recoge sushi. Sra. Marelva Wever, Manager Financiero di Serlimar, ta splica kico lo ta e siguienta paso pa trece e entrada aki pa Serlimar, sea ta pone den recibo di WEB of di Elmar.
Hunto cu minister Otmar Oduber, Serlimar ta keda rondia un opcion pa trece e placa aden pa Serlimar. Sra. Wever a sigui bisa cu un manera di trece e placa aden pa Serlimar, lo ta pa gobierno baha e impuesto directo y subi e impuesto indirecto. A pesar di cu invoerrechten ta halto caba, kisas un parti di esey lo por bay pa Serlimar, ya cu ora cu bo ta importa producto, bo ta importa sushi tambe.
Por ultimo, Sra. Wever a splica cu e problemanan financiero di Serlimar ta asina grandi, cu casi nan no tin e capacidad pa haci nan propio pagonan, of pago na nan deudornan.