Diabierna mainta dilanti di Johnsons supermarket na San Nicolas chauffeur di un jeep bahando di pariba a perde control y e jeep preto a slip bay dal den un nissan van staciona dilanti e supermercado. E chauffeur di e jeep a reverse y bay manera nada un a pasa.
Camara di siguridad a capta full e situacion. Johnsons supermarket a informa riba nan plataforma ta duna e chauffeur un dia sino ta entrega keho na Polis.
Pa tur hende compronde ora cu un hit & run pasa bo no tin nada di warda 1 pa 2 dia pa bo warda e persona of yama polis pa asina polisnan di trafico presenta, bo mester yama 100 di biaha cu bo tin evidencia di e hit & run pasobra mas dia pasa ta tempo perdi, mas lihe bo informa polis mas lihe nan ta actua pa resolve e caso liher. Tur automobilista tin cu corda cu awendia tin camara tur caminda, mihor bo keda atende e accidente cu bo keda haya despues y haya un multa cu ta riba 500 florin pa hit & run y mas gasto envolvi.
