Sr. Victor Robert director interino di Serlimar ta splica cu despues di e sinta na mesa cu gobierno di Aruba busca solucion pa dump den algun luna pero mester pone fondo grandi pa esaki.
E problema na Landfill ta algo urgente pa gobierno, y te hasta nan a menciona e nomber, cu e lo mester bira algo nacional pa Aruba. Tambe nan a menciona cu cada minister mester aporta un suma, pa nan por alivia esaki. E kimamento, manera e ta aworaki, no por sigui mas.
Despues di e utlimo candela, aki, gobierno a reacciona, y a reuni cu Serlimar, lo busca un solucion pa preveni candela y pa preveni e cantidad di sushi ariba e tereno aki. Ta buscando un otro caminda unda cu por bin cu e landfill bek, pero no den e forma cu e ta aworaki.
Motibo di esaki, ta cu awo e no ta controla manera debe ser. Esey tin di haber cu e ekiponan cu Serlimar no ta dispone di dje. Tambe e landfill a yena, el a pasa su capacidad caba. Sr. Robert ta contento cu Minister De Meza, a realisa esaki tambe. Pasobra e tabata pensando, kico pa haci ariba esaki. Pero e ultimo candela tabata di mas, y cu mester busca un solucion permanente. Door di esey tambe, a pidi yudansa di Utilities, cu lo financia diferente cosnan cu mester bin ariba e landfill, conhuntamente cu e otro ministerionan, cu tambe mester aporta.
Loke Serlimar falta mas di dje, ta ekiponan pa baha e cero na landfill mas lihe posibel. Anto tambe si baha e cero ey, lo mester bent’e un otro caminda. No ta make sense, pa coba akinan, anto otro caminda lo bay yen’e bek. Mester un solucion permanente. Si ta posibel, den un area cu ta afecta niun bario, ni ningun hende pa evita e ora cu e landfill lo bira permanenten, segun Sr. Robert.
Ministernan ta reuniendo ariba e caso aki. Pero e forma con e sushi ta wordo procesa, no por sigui mas den e forma aki.
E miho solucion pa Sr. Robert, pa e Landfill, ta pa busca un caminda parti zuid di Aruba, na caminda cu e biento cambia, e lo no haci hopi efecto. Pero e mester ta di noord pa zuid. Paso e ora e sushi ta bay ariba lama, no ariba e ciudadanonan, cu posibilidad cu nan por haya problemanan di salud. Y esey ta loke kier evita.
P’aworaki, Ministerraad ta reuniendo ariba e parti aki. Aworaki ta solamente idea nan ta bin cun’e, pasobra e solucion no ta bin di awe pa mañan. Pero si por alivia e huma cu ta bin ariba e habitantenan na Parkietenbos.
Trabaonan pa baha e cero di Landfill, ta un trabao cu lo por dura por lo menos 1 pa 2 aña. Segun Sr. Robert, baha por baha e sushi, pero pregunta ta keda, unda ta bay cun’e. Utilities aworaki ta haciendo nan calculacionan kico mester pa cada fase, pero en todo caso, ekiponan pisa tambe ta hinca den e suma ey. Asina Sr. Robert, director interino di Serlimar a splica.