Ta bay busca un medico forensico pa casonan di abuso sexual

Family Justice ta un organisacion cu a bira realidad recientemente. E coordinador di parti di Gobierno den e organisacion aki t Daphne Tecklemborg.  E tabatin e tarea di sondea e posibilidad pa bini cu un Family Justice Centrum na Aruba.

Pa cuminsa no ta papia di un organisacion nobo, pero ta coordina e proceso entre e diferente instancianan  encuanto violencia fisico y abuso sexual di tanto menor como adulto na Aruba.

Durante un siman a sinta cu e diferente instancianan. A palabra cooperacion entre hospital y KPApa casonan urgent. Hospital lo tin un area special pa victimanan di violencia y abuso. Instancianan a bay di acuerdo cu mester crea un proceso, pero coordina for di un punto central cu ta e Family Justice Centrum. Hunto cu KPA Y Social Crisis Plan (SCP) lo ekipa Jeugd & Zedenpolitie cu aparatonan adecua y training pa entrevista menornan di edad.  Actualmente e camber no ta uno agradabel cu ta permiti e victim sinti su mes na cas. Den esaki lo trece cambio. Ta bay haci intento pa haya medico forensico pa yuda acumula evidencia di e tipo di delitonan aki. Na e momentonan aki, Aruba no tin un medico forensico. E ta un gap hopi grandi pa raportahe medico cu mester den corte. P’esey e ta algo cu Aruba mester haya mas lihe posibel.

Ta mirando e posibilidad pa haya un Arubiano pa bay specialisa su mes riba e tereno aki den exterior, na Hulanda, pero mientrastanto lo bay busca un medico forensico na Hulanda, te ora cu e Arubiano finalisa su estudio. Ta bay sincronisa e procesonan entre Family Justice Centrum y Codigo di Proteccion.

Tin tur intenion pa FJC cuminsa su operacion entrante prome di october. Ta desea pa cuminsa esaki sin cu e edificio ta cla mes. Den e edificio lo bay ubica e medico forensico tambe. E ta un edificio existentecu mester adapt’e na e necesidadnan.

Tur e fondonan ta bini for di Sociaal Crisis Plan pero e idea ta pa cu tempo sac’e for di eyden y dun’e su propio fondo. E mester tin su mesun post riba presupuesto di Gobierno.

E ta un organisacion cu ta un colaboracion entre instancia- y ministernan, mirando tur e personanan envolvi. E idea ta pa na final, e organisacion haya un nomber mas adecuado pa cu e comunidad.

Ta bay revisa e sistema tambe pa brinda ayudo residencial pa victimanan. Mester tin un luga unda por acomoda e victimanan mientras cu ta atende cu su caso. Tanto bal duna e guia, mientras cu no tin luga pa acomoda e victimanan, saca nan for di e ambiente di abuso y violencia. P’esey mester bini un sistema tambe unda den un punto central ta cuanto cama tin disponibel pa victimanan.

E ta un caminda largo, pero e intencion t’ey pa yega na un miho coordinacion pa yuda e victimanan.

 

Comments

comments