PARIS, Francia – E actriz di Bollywood, Mallika Sherawat a wordo ataca pa asaltantenan enmascara den su cas na Paris, segun e oficina fiscal aki a confirma na CNN.
Sherawat di 40 aña y un acompañante cu no a wordo identifica, a wordo ataca cu gas lagrimogeno y golpia pa tres homber enmascara ora cu nan a bin bek na nan cas diabierna anochi ultimo.
E atake a sosode den gang di e edificio di e apartamento ubica den rue de la Faisanderie den districto 16 di paris.
E atacantenan a huy despues di e hecho. E motibo di e atake ainda ta desconoci, segun polis di e districto 16, encarga di investiga e incidente.
Fuente: CNN en Español