PROSTEJOV, Republica Checa – E tenista Checa, Petra Kvitova, ganado dos biaha di e torneo di Wimbledon y cu a cada di revalida cu s upais e oro den e Copa Federacion, a wordo asalta diamars den su cas na Prostejov y ta hospitalisa, e Federacion di Tenis a bisa.
“Ta trata di un accion criminal casual y Petra awo ta den man di dokter” den un hospital na Brno, e voceor di e federacion, Karel Tejkl a señala.
E tenista zurdo di 26 aña, a sufri corta na su dedenan di su man links. Medionan local a informa cu e supuesto atacante, cu ainda no a keda deteni, a logra drenta den e caso di e deportista bao di un pretexto falso y a bay cu 200 euro.
Diamars mainta, Kvitova a anuncia riba rednan social cu e no lo participa den e Copa Hopman, cu lo keda disputa na Januari den e localidad Australiano di Perth, debi na un rotura di un di e wesonan di e planta di e pia drechi.
“Mi ta hopi decepciona di no por disputa e Copa Hopman. E resonancia magnetico ta mustra cu e lesion ta sanando, pero no mesun lihe cu nos tabata kier,” e deportista a splica riba su cuenta di Facebook.
Fuente: NTN24