CARACAS, Venezuela – Ministerio Publico Venezolano a informa diamars di e detencin di seis empleado di e Servicio Administrativo di Identificacion, Migracion y Stranheria di Venezuela (SAIME) pa presutamente bende cedula y paspoort Venezolano na personanan di origen Sirio cu no tabata cumpli cu e “tramitenan corespondiente” pa obtene e documentonan aki.
Fiscalia a identifica e empleadonan como Jethaimet Wiher Blanco, Isamar Gutierrez Campos, Chery del Carmen Perdomo, Lilian Irene Castillo, Mariannys Peña Rivera y Yamilet Galvis Chacon. Tur tabata desempeaña trabao como transcriptora di dato di SAIME y ya nan a keda presenta dilanti e di 56 fiscal nacional, imputa pa delitonan di corupcion propio, acceso indebido na sabotahe of sistemanan protehi, otorgamento iregular di documentonan di identificacion y asociacion pa delinquir.
CNN a haci varios yamada na e Ministerio Publico pa por conoce mas detaye di e caso y pa conoce si e seis empleadonan aki tin representacion legal. Te awor aki no tin contesta.
Di acuerdo cu e comunicado di Ministerio Publico, e investigacion cu tabata parti di un denuncia di e Inspectoria Generla di SAIME, a duna di conoce cu e muhenan tabata cobra 5000 dollar pa e documentonan di identificacion.
Ministerio Publico no a informa di e identidad di e personan di origen Sirio cu lo a paga pa e documentonan aki.
Desde principio di añanan 2000, tabata tin e preocupacion entre legisladornan Mericano cu gruponan extremista di Medio Oriente por a uza documentonan di identificacion Venezolano pa biaha di forma desapercibi. Un reporte di Congreso Mericano di 2006 ta mustra preocupacion pasobra “e documentonan di identificacion y biahe di Venezuela ta extremadamente facil di obtene pa personanan sin derecho na nan.” Y otro reporte di Congreso Mericano di e mesun aña ta alerta riba e presunto colaboraicon entre funcionarionan corupto di e Gobierno Venezolano y gruponan subversivo na expone cu Venezuela tabata brinda apoyo “incluso documentonan di identidad, cu por tabata util pa gruponan extremista Islamico.” E Gobierno Venezolano semper a nenga e señalamentonan aki.
Paspoortnan den sombra
Na Februari di e aña aki, CNN a presenta un investigacion titula “Pasaportes en la sombra” cu ta analisa e supuesto benta di documentonan Venezolano na personanan cu no ta cualifica pa e beneficionan aki, entre nan, personanan vincula na e grupo terorista Hezbollah. E investigacion aki a hiba na e revision di miles di pagina di documento durante un aña, presenta pa e testimonio di Misael Lopez, un exfuncionario Venezolano cu a denuncia e benta di paspoort y visa for di e embahada di Venezuela na Bagdad. Lopez a traha como consehero na e embada di Irak, desde Juli di 2013 te cu September di 2015 y a sigura cu durante e tempo aki a ricibi multiple oferta di un empleado local cu tabata traha como interprete pa bende documentonan Venezolano. Lopez a sigura cu den un ocasion e empleado a bin na ofrece te cu 130 mil dollar pa otorga visa na 13 ciudadano Sirio cu tabata na Kurdistan, nort di Irak.
Lopez a splica por medio di email cu den mas di un oportunidad el a alerta autoridadnan Venezolano riba e caso aki sin obtene respuesta. P’esey, Lopez a agrega, a dicidi cuminsa cu un investigacion. Su prome paso tabata revisa e lessenaar di e empleado local, unda el a bisa a haya un seyo oficial Venezolano cu tabata wordo uza pa aproba visa, ainda cu ink fresco y papel cu e membrete oficial di e Estado Venezolano. E embahador di e mision di Venezuela na Iraq, Jonathan Velasco, a nenga e acusacionnan. “Nunca, nunca nos a bende nacionalidadnan Venezolano,” Velasco a sigura.
Lunanan despues, Lopez a bisa cu el a haya un caso alarmante. Un homber condena pa narcotrafico, cu, segun su documento di identidad nacional Iraki, a nace na Basra. Pero cu tambe tabata tin un paspoort Venezolano y dos cedula di identidad cu diferente fam, cu ta bisa cu el a nace na Maracaibo, Venezuela. CNN por a obtene un copia di su partida di nacimento Iraki, cu ta mustra cu el a nace na Basra y tambe a drenta den contacto cu personanan cu conoce e persona, kendenan a confirma e informacion.
Lesa e relato completo riba e link aki: http://cnnespanol.cnn.com/2017/04/04/arrestan-a-seis-empleadas-publicas-de-venezuela-por-venta-de-pasaportes-y-cedulas-a-personas-de-origen-sirio/
Fuente: CNN en Español