LONDON, Inglatera – Un individuo arma cu un cuchiu a wordo deteni diabierna pafo di Palacio di Buckingham, den e centro di London y dos polis a resulta herida ora di arest’e, autoridadnan a informa.
E dos agentenan a sufri lesionnan menor ora cu nan a detene e sospechoso, cu ta deteni bao di cargonan di lesionnan corporal grave y agredi polis, segun Polis Metropolitano.
Polis a indica cu no tabata necesario hospitalisa e agentenan. No a informa si tabata tin otro herido.
Varios vehiculo di polis tabata staciona p’afo di e palacio.
E Palacio di Buckingham ta un di e principal atractivonan turistico di London y ta residencia di reina Elizabeth II. Sin embargo, ta habitual cu e ta pasa Augustus cu miembronan di su famia den su finca di Balmoral, na Escocia.
Fuente: www.apnews.com/