University College London Hospitals NHS Foundation Trust, un di e institucionnan principal di salud di Reino Uni, ta efectuando un test clinico di fase 3 pa purba e prome vacuna personalisa di ARN mensahero p’e tratamento di caner di cuero. E test importante aki, actualmente andando, tin como obhetivo demostra e eficacia y siguridad di e tecnologia nobo aki pa combati melanoma, un tipo di cancer di cuero cu por ta altamente agresivo.
E test clinico ta implica e administracion di inyeccion personalisa na un centenar di pashent. E vacunanan aki ta diseña na midi pa cada pashent y tin como funcion train e curpa pa reconoc’e y ataca e celnan canceroso specifico, evitando asina e reaparicion di e malesa. Dokter Heather Shaw, investigado y coordinado nacional di e test, a destaca e importancia di e iniciativa aki y e emocion cu a genera tanto den e comunidad medico como entre e pashentnan. “Esaki ta un di e cosnan mas emocionante cu nos a mira den hopi tempo,” el a comenta. “Ta un di e hermentnan realmente perfecciona… E pashentnan ta realmente entusiasma cu ne,” el a agrega.
E desaroyo di e vacuna aki, conoci como ARNm-4157 (V940), ta un avance significativo den e tratamento personalisa di cancer. Door di uza e tecnologia di ARN mensahero, e mesun principio tras di algun di e vacunanan mas efectivo contra COVID-19, e investigadonan ta creando un enfoke terapeutico cu por adapta n’e caracteristicanan genetico unico di cada pashent y su tumor.
Aunke e enfoke principal di e test ta melanoma, e tecnologia aki tambe tin potencial pa trata otro tipo di cancer. Dokter Shaw a señala cu e vacuna personalisa tambe ta wordo purba den cancer di pulmon, blaas y riñon, cu e speransa di expande su uzo na un variedad mas amplio di patologia oncologico.
E importancia di e test aki ta radica den su capacidad pa ofrece un manera nobo di tratamento pa cancer di cuero y posiblemente pa otro tipo di cancer. Door di ta un vacuna personalisa, e potencial pa reduci e reaparicion di e cancer ta mas grandi, loke por traduci den un mehoracion significativo den e indice di sobrevivencia y calidad di bida di e pashentnan.
E test clinico di fase 3 ta e ultimo paso prome cu un vacuna of tratamento ta aproba pa uzo generalisa. Si e resultadonan ta positivo, esaki por marca un trend den tratamento di cancer y habri e portanan na terapia personalisa nobo. E dokter y e pashentnan ta spera cu entusiasmo e resultadonan di e test innovador aki, cu por revoluciona e manera cu ta atende tratamento di cancer den futuro.