Cas di Ton Tin na Pos Abou, den un binita Cunuca tabata tin e conferencia di prensa pa e fiesta nacional dia 24 Jun 2023, dia di San Juan ‘Dera Gay’ Minister Xiomara Maduro a dirigi algun palabra y a bisa, ‘esaki ta un tradicion y parti di nos cultura’ ban celebra hunto, y despues a anuncia e centronan cu lo tin actividad riba dia aki cual ta; Centro di Bario Playa Pabao, Centro di Bario Noord, Centro di Bario Ayo, S.V Jong na San Nicolas, Centro di Bario Brazil y Centro di Bario Savaneta ta bay tin actividad riba dia di San Juan ‘Dera Gay’.
Despues a presenta e buki ‘E Cosecha di Juancho’
Den e buki aki tin diferente wega y pintura pa e muchanan cu nan por haya y conoce mas di nos historia y cultura y asina siña mas di nos tradicion. Den e buki tin e canticanan di Dera Gay, y splicacion di e bistimento y siginificado di e colonan pa lo cual ta trata e dia aki.
Lyonel Dirksz Presidente di Comicion di Dianan Nacional a bisa, cu e aña aki ta bay tin diferente actividad, y pa otro siman nan lo bay lansa e calendario di e evento. E Cetronan y Organisacion cu tambe ta preparando pa nan actividadnan, pero nan nomber no a wordo menciona ta door cu nan no ta full cla ainda, pero nan tin e oportunidad pa manda un email pa wordo poni den e calendario.
Señora Josephine Peterson di Unoca tambe a hiba palabra y a anuncia cu den e coneccion cu e celebracion di dia di San Juan ‘Dera Gay’, lo tin un produccion di 8 video educativo pa e muchanan y ta curasha e docentenan, mayornan pa motiva e muchanan mira e videonan special cu a wordo prepara den coneccion cu e celebracion di dia di San Juan e Videonan lo por wordo mira den nan pagina web pronto.