Profecionalnan medico di EE.UU. analisa e “presunto resto humano” cu ta encontra den e resto di e submarino Titan den e North Atlantic Ocean tanten e investigacion ta continua riba e implosion castatrofico di embarcacion. E submariono di e compañia di Ocean Gate a perde contact cu nan nave, e Polar Prince, un poco despues cu el a cuminsa drenta pa bay na e resto di Titanic e mainta di 18 juni.
Ora cu embarcacion no a subi bek, a genera un enorme labor internacional di buskeda y rescate cu a conclui un siman atras, ora cu e autoridadnan estadounidenses anuncia cu e submarino a sufri un implosion y e cinco homber abordo cu aparentemente ta morto. E Warda Costa di EE.UU. a convoca un investigacion Marina, na e nivel mas halto di investiga kico a causa e tragedia y ofrece posibel recomendacionnan “na e autoridadnan cu ta coresponde pa aplica sancionnan civil of penalnan segun ta necesario”, a bisa e capitan di Warda Costa Jason Neubauer, cu ta encabesa e hunta di investigacion.
Como parti di investigacion, e investigadonan lo analisa e scomber di e restonan di e barco, lo recopila e pruebanan y realiza entrevista cu e testigonan, asina tambe lo tin un audiencia publico pa obtene mas testimonio di e testigonan.