Internacional: Aki tin e notisia relevante tocante Hunter Biden, yiu di presidente Joe Biden, kende ta enfrentando acusacion di fisical spesial David Weiss relaciona cu un arma cu el a cumpra na 2018.
E tres acusacion cu el ta enfrenta ta di a gaña riba un formulario oficial na momento di cumpramento di un arma na un distribuidor di armamento, y posesion ilegal di arma.
E acusacion ta representa un giro extraordinario den e caso, despues cu su acuerdo di culpabilidad inicial a kibra y posiblemente ta pone cu un mancha scur y dramatico memei di campaña di su tata pa re-eleccion na 2024.
Hues no a acepta e acuerdo di culpabilidad di Hunter Biden, yiu di presidente Joe Biden
Cas Blanco tabata kere cu e drama legal di Hunter Biden lo a termina e temporada aki. Sinembargo, e acuerdo di culpabilidad cu a logra cu Weiss pa soluciona e asunto sin cargo no a logra aprobacion di un hues federal. E siman aki, miembronan di e partido Republicano den Camara di Representante tambe a anunsia un investigacion pa destitucion contra e presidente Biden relaciona cu e negoshinan di Hunter.
E acusacionnan
Si Hunter Biden wordo declara culpabel di tur e acusacionnan, e yiu di presidente por enfrenta hasta 25 aña di prizon y multa te na 750.000 dollar, segun documentonan hudicial.
E prome cargo acusa Hunter Biden di gaña riba un formulario di ATF na momento di cumpramento di e arma, hurando falsamente cu e no tabata adicto na droganan ilegal ni ta consumi droganan ilegal.
E di dos cargo acusa Hunter Biden di gaña na un distribuidor di armamento cu tin permiso federal na Wilmington unda el a cumpra e arma. E supuesto gañamento tabata relaciona cu mesun declaracion hura riba e formulario di ATF.
E di tres cargo acusa Hunter Biden di posesion ilegal di e arma mientras cu e tabata consumi droga of tabata adicto na droga, cual ta un delito federal. El tabata doño di e arma durante 11 dia na 2018.
