CIUDAD DI VATICANO, Vaticano – Mas of menos sesenta historiado, teologo y sacerdote a divulga un carta manda na papa Francisco y caminda cu nan ta señala e presunto “sacrilegionan of herejia manera yama na Spaño” conteni den su exhortacion apostolico riba famia, “Amoris Laetitia.”
E misiva, di 25 pagina y titula “Correctio filialis de haeresibus propagatis” (Un coreccion filial cu respecto na e propagacion di herejia), a wordo remiti na e pontifice dia 11 di Augustus ultimo y a difundi diadomingo atrabes di un portal di internet.
E documento, ainda habri na firmantenan nobo, ta sostene cu Bergoglio “atrabes di su exhortacion apostolico “Amoris Laetitia”, como tambe pa otro palabra, acto y omisionnan cu ta relaciona cun’e, a sostene shete postura sacrilego den referencia na matrimonio, bida moral y recepcion di e sacramentonan.”
Y, nan ta subraya, “a provoca cu e opinionnan sacrilego aki ta wordo propaga den e Iglesia Catolico.”
Den e exhortacion, publica na April di 2016, e papa entre otro cosnan a habri e posibilidad cu, na discrecion di e mesun sacerdotenan, e personanan divorcia cu a bolbe casa, por bolbe comulga.
Su publicacion tambe a suscita un serie di duda doctrinal entre e cardinalnan Raymond Burke, Walter Brandmueller, Carlo Caffarra y Joachim Meisner cu na September di 2016 a skirbi e pontifice Argentino pa solicita un aclaracion.
Den e coreccion publica dialuna, tambe a denuncia “e aparente influencia di e ideanan di Martin Luther” caminda cu papa Bergoglio ya cu, nan ta alega, e protestante “tabata tin ideanan riba matrimonio, divorcio, perdon y ley divino” similar na algun di e papa.
Y ta destaca e “elogio explicito y sin precedente” cu papa Francisco a dedica na “heresiarca Aleman”, di kende a bisa na su regreso di su biahe na Armenia, na Juni di 2016, cu “el a duna un remedi na e iglesia di e epoca,” envolvi pa corupcion.
Francisco a biaha na October di dicho aña pa Suecia pa participa den e conmemoracion conhunto di e 500 añanan di e Reforma.
Entre e firmantenan di e carta cu e coreccionnan na e exhortacion, ta figura teologo, profesor, historiador y sacerdote di henter mundo y a destaca e nomber di Ettore Gotti Tedeschi, expresidente di e banco Vaticano, IOR.
Fuente: http://caracol.com.co/