DEN HAAG – Zwarte Piet mester wordo aboli. Na registro civil no mag di registra si bo ta muhe of homber. Y Keti Koti mester bira un fiesta nacional. E partido nobo di Sylvana Simons, Artikel 1, a boga vooral pa e lucha contra descriminacion, segun nan programa di campaña.
E partido a pone e programa di campaña riba nan website. Artikel 1 ta enfatisa di ta otro di “loke e partidonan politico tradicional ta custuma di ta.”
“Cerca nos loke ta “otro” ta normal. Cerca nos tin espacio pa bo ta loke bo kier ta. Apesar di sexo, descendencia etnico, religion, identidad di genero, edad, preferencia sexual of limitacion fisico.”
Plannan sobresaliente:
Registracion di sexo na registro civil ta cay afo.
Na 2022 e minimo di 40 porciento di e top di Gobierno ta un hende muhe y e organonan di Gobierno ta un refleho di e diversidad etnico di e populacion. E partido kier inclui un quota pa “gruponan margina” bao di hefe y personal di Gobierno.
Pa dia 1 di Juli (Keti Koti) bira un fiesta nacional, caminda cu e abolicion di sclabitud na Hulanda wordo recorda y celebra.
Pa Zwarte Piet wordo kita for di espacio y medionan publico.
Pa bin un prohibicion na tecnicanan di aresto peligroso y tin mas atencion riba aplicacion di violencia na opleidingnan di polis.
Educacion y cuido
Artikel 1 tambe tin plannan pa enseñansa y cuido. Asina e partido kier por ehempel introduci un basisbeurs pa studiante. Y hobennan adulto (18 pa 25 aña) ta haya, si ta pa e partido, haya e derecho di un stage social di maximo 6 luna den cuido. Tambe mester bin un fondo di cuido nacional.
Loke tambe ta resalta cu e partido no ta cuanto placa nan lo kier otorga pa nan medidanan. E palabra “euro” y e simbolo € no ta aparece den nan programa di campaña.
Lucha pa asiento
E partido no lo haya facil pa drenta den Tweede Kamer. Artikel 1 no ta bin na e momentonan aki riba lista di e encuestanan haci.
Simons a sali for di e movecion politico DENK na December. E ta haya cu e partido no ta sosten’e suficiente despues cu el a wordo menasa. Tampoco e ta haya su mes cu e ta pas den e estilo di e partido.
Fuente: RTL Nieuws