Swine Flu ta menasa e mercado di carni mas grandi na mundo

E brote di e virus ta menasa e mercado di carni mas grandi na mundo cu perdidanan enorme.

E propagacion rapido di Swine Flu Africano ta afecta e mercado carnico di China, un cifra cu segun calculonan ta yega 128 biyon dollar. For di comienso di augustus, ora cu a registra e prome casonan di e virus den provincia di Mongolia y Henan, e brote a cuminsa expande pa otro regionnan. Te cu awo den e provincianan afecta, rond di 40 mil porco a muri, segun Bloomberg.

“China ta posee un industria porcina importante, cu cerca di e mitar di e poblacion mundial di porco, calcula na 433 miyon. Su cadena di balor ta inclui un gama amplio di productornan, for di granjanan familiar te cu operadornan comercial na gran escala”, segun e Foord & Agricultur Organisation di Nacionnan Uni (FAO).

Pa stop un difusion mayor di e virus mas peligroso, Swine Flu, manera e wordo yamam pa cientificonan, autoridadnan Chines a prohibi e transporte tanto di porconan bibo pa distancianan largo door di e diferencia di prijs den e diferente provincianan como carni di e animalnan aki for di e areanan afecta y areanan na frontera.

Na China ta masha normal pa porconan wordo transporta pa distancianan door di e diferencia di prijs den diferente provincia y ta existi e risicio di transportacion clandestino y e consecuencia di potencial propagacion di animalnan malo.

E forma di e virus mas agresivo ta fatal pa e total di animalnan afecta ya cu ainda no ta existi un vacuna eficaz. Sin embargo, e virus mortal aki no ta representa un menasa directo pa sernan humano.

Comments

comments