Marian Lacle lider di grupo na Cas Blenchi tabata cu nos den entrevista y a conta tocante e evento di e celebracion di SVGA.
Cas Blenchi mescos cu Bibito Pin, Centro Man na Obra, Scol Dunun man, Pasadia Briyo di Solo y Cas Sjabururi ta parti di e organisacion Stichting Verstandelijk Gehandicapten Aruba.
Dia 3 di December ta e celebracion Internacional di Personanan cu limitacion. Mirando cu e dia aki ta cay ariba un diasabra y awe tur e departamentonan por ta hunto na China Club.
E cliente nan tabata hopi entusiasma, no solamente pa e musica dor cu nan gusta baila y ta gusta musica, pero cada departamento tabata tin un tarea pa representa un pais pa medio di un show y speech cu nan mester a prepara pa presenta awe. E preparacion nan aki a bay bou coordinacion di lider nan di grupo. E importante ariba e dia aki ta cu awe a enfoca cu apesar di tin un limitacion, nan por haci mas di loke hende ta pensa.
SVGA su mensahe na comunidad ta: “Acepta nos muchanan special mas, ta consciente pa siña muchanan acepta e muchanan special pasobra nan tambe ta humano. Nan tambe ta mucha, nan ta inocente y pa otro nan no bully e muchanan aki”.