Hopi ta puntra nan mes, kico ta e diferencia entre AZV y SVB, pa cual Sra. Cherryldine Buckley, di SVB ta splica mas ariba kico ta e diferencia entre e dos institucionnan di cuido medico aki.
Sra. Buckley a cuminsa na splica cu AZV ta cubri malesa, dus e ta un seguro medico general pa cubri malesa. Pero SVB ta ofrece servicio di dokter di control. Un persona trahado inscribi na SVB, ora cu e bira malo, e tin cu meld via telefon of via online. Segun e record cu e persona tin, e tin cu presenta tal dia na dokter. Durante e control, e dokternan a base di e malesa cu e tin, of e keho cu e persona tin, nan ta bisa e persona ki dia e ta bay traha bek. Pero e moemtno cu e persona keda mas tempo malo,hopi biaha un doño di trabao kier busca un hende pa traha na su luga, pa e trabao sigui. Aki ta bin e parti cu e persona tin derecho, ora e ta malo, e doño di trabao ta paga e salario completo y SVB ta paga e doño di trabao 80% di e salario, pa compensa cu e doño di trabao por paga e otro trahado.
Esaki ta un proceso cu e doño id trabao tin cu yena tur su informacion pa e por cobra su placa. E no ta bay autormaticamente cu e doño ta haya e placa. E mester manda bisa SVB cu el a paga e persona aki, e persona akit abata malo, di tal pa tal dia y despues di control, SVB ta manda paga e doño di trabao.
Hopi hende ta bay SVB pa haci preguntanan tocante di AZV, mientras cu SVB su responsabilidad pa cu e trahado ta cu e doño di trabao ta inscribi e trahado y ta paga su salario. Si e doño di trabao no inscribi e trahado, e ta perdida pa e mes.
SVB ta spera cu e cumplimento aki ta mas miho posibel, ya cu di awo padilanti lo keda controla. Y pa e doño di trabao ta mas miho pa e tin tur su papelnan na ordo, segun Sra. Cherryldine Buckley, di SVB.