Pa loke ta nos pensionadonan di futuro por bisa cu tambe tin su retonan cune segun Sr. Ir. Edwin Jacobs, director di SvB a splica.
Mescos cu mundo a avansa den tecnologia, por mira cu nos poblacion mayor tambe ta bayendo avansa den uzo di tecnologia. Ya ora cu e persona yega na un edad di pension, ya nan no ta retira di e mercado laboral, pero ta sigui traha. Tampoco tin e tempo, manera tabata antes, pa e proceso di pidimento pa nan pension di behez, pues mas y mas nos pensionadonan di futuro ta bay ta pensionadonan cu ta avansa pareu cu tecnologia ta avansa y como banco di Seguro Social encarga cu adminstracion y maneho di e fondo di pension di behez, nos tambe mester percura pa por brinda e pensionado actual avansa den tecnologia facilidad y posibilidadnan cu nan medio ambiente di tur dia tambe ta ofrece. Ya awendia nos no ta depende di post pa ricibi cuenta di awa y coriente na cas. No ta depende di mester bay para den rij den banco pa paganan, ya cu hopi di esakinan a wordo digitalisa. E mundo ey ta uno moderno, y no solamente esunann mas jong, pero tambe di esunnan di mas edad. SvB no por keda atras. Un tempo atras a lansa un servicio cu tabata esun di e peticionann pa e jaaropgavenan. Y Svb un biaha mas, cu placer y orguyo ta lansa un otro servicio cu sigur lo yuda e proceso di peticion, pero tambe ta brinda e facilidad y comodidad cu nos pensionadonan actual y esun di futuro ta spera cu un banco di seguro social por ofrecenan.
Sr.Jacobs a sigui splica cu ya no ta necesario pa para den rij, tuma number y sinta na SvB pa haci e peticion, pero e posibilidad cu 24 ora pa dia, na momento cu ta combininan den e comfortabilidad di nan cas of na cinema of cualke caminda, en todo caso pafo di oranan di oficina di SvB nan por subi e website di e banco di seguro social y haci uzo di esaki. Asina tambe SvB ta lansa e servicio di peticion digital pa AOV, pa pension di behez. Esaki segun Sr. Jacobs, ta e siguiente stap cu nan ta dal ariba e caminda di digitalisacion, manera menciona anteriormente, stap pa stap nan ta bayendo. Pero cada stap chikito, contando nan hunto, bo ta haya un distancia largo. E distancia caminda cu tin ainda pa bay, ta un tiki mas pero nan ta yegando hopi leu. Y SvB no mas tarda pa otro aña, henter e proceso di pension di behez, viuda y huerfano lo ta digitalisa.
Y pa 2020 tur proceso na SvB lo ta digitalisa. Esey ta nan compromiso cu comunidad y nan clientenan. Esey ta e mundo cu nos ta bibando aden, y si no bay hunto cu e mundo ey, nos ta cay afo, segun director di SvB, Sr. Ir. Edwin Jacobs.