Sr Edwin Jacobs cu ta director di SVB Aruba den un entrevista a menciona cu 2019 tabata un aña positivo pa e banco di seguro social svb. Esaki ta loke e cifranan a keda traduci, un informacion hopi positivo cu mester comparti cu e comunidad cu e hecho cu durante 2019 departamento di impuesto a recauda 8.2 % mas na prima di AVO y AWW, compara cu 2018 y a pasa e limite di 300 miyon. Sr Edwin Jacobs a menciona cu na 2018 tabata 286.9 miyon y na 2019 a colecta 310.6 miyon y ta un aumento di 23 miyon, sigur e desaroyo aki ta uno positivo y no ta un desaroyo di un solo bez pero departamento di impuesto a haci nan esfuerso pa companianan cu mester cumpli, pa cumpli tambe y ta un bon mehoracion unda companianan cu tin cu paga su primanan cumpli. Como e banco seguro social di Aruba Svb kier a felicita departamento di impuesto pa aumenta e compliance di prima AOV y AWW.
Si mira cu na 2019 e cantidad di trahadonan registra na SVB pa seguronan di malesa y accidente a aumenta cu 3% cu a pasa di 42500 pa 43876. Ora bo tin mas asegurado entrada ta subi y di otro banda a mira cu un cantidad di beneficionan cu mester a paga ta disminui levemente den e seguro di malesa cu a baha 2.3 % y den seguro di accidenta a subi cu 3.8 %. Den e fondo di malesa locual ta premira cu e deficit di 2.2 miyon mientras cu e seguro di accidente lo conoce un sur plus di 5.5 miyon y na final ta bira un aña positivo pa cu e dos fondonan cu ta cay pa cu e seguro di trahadonan.
Sr Edwin Jacobs a menciona cu e fondo di biehes cu ta e fondo di huerfano y orfanato cu e cantidad di pensioenado di biehes a aumenta cu 1.8 % esei ta den linea di e pensamento di e aumento gradualmente di cantidad di pensioenado y e suma di locual cu a paga na AOV aña pasa a aumenta cu 2.2 % y un parti ta debi cu a adapta cu e pensioen y nos ta keda adapta e pensioen na e costo di bida y mantene e poder di compra di e pensioen di AOV.