Banco di Seguro Social di Aruba SVb a yega na un acuerdo cu e Banco di Seguro Social di Sint Maarten SZV recientemente. E acuerdo aki sigur ta beneficioso pa e pensionado di Sint Maarten cu ta biba na Aruba. Tur pensionado di Sint Maarten cu ta cobra pensioen di AOV esta pensioen di biehes, AWW pensioen di viudo(a) of di Huerfano cu ta biba na Aruba, awor por ta mas trankil .
For di luna di November e pensionadonan aki, no mester presenta na SVb Aruba su oficinanan mas pa tramita nan “Attestatie de Vita”. E acuerdo interno cu e dos instancianan aki a sera ta encera cu SVb Aruba su Departamento di Pensioen mes lo percura pa SZV Sint Maarten ricibi e informacion necesario pa e pensionado por cobra su pensioen sin problema.
Ta importante si pa tene na cuenta cu si tin algun cambio den e situacion personal di e pensionado esaki mester wordo notifica directamente na Uitvoeringsorgaan Sociale en Zieketekosten Verzekeringen, esta SZV na Sint Maarten. Aki ta referi por ehempel na cambio di adres y cambio di cuenta di banco cu mester informa mesora y directamente. Pa loke ta trata e declaracion di skol di Huerfanonan di 15 aña of mas di edad tambe mester wordo manda directamente pa SZV Sint Maarten.
SVb Aruba su Departamento di Pensioen ta contento di por ofrece e servicio aki na e pensionado di Sint Maarten residencia riba nos isla. E servicio aki ta encera cu e pensionado di Sint Maarten no mester presenta mas na oficinanan di SVb.