Hopi doño di trabou ta bisa cu nunca nan no ta sa e ley pa tin e trahado inscribi na SVB. Nos a aserca director di SVB Sr Edwin Jacobs si nan a haci evaluacion na companianan si nan tabata sa despues di varios anuncio a sali den medionan di comunicacion.
Un esfuerso grandi a keda haci na comunidad, na trahado y dunado di trabou cu e maneho di multa a drenta na vigor, y ta un instrumento cu tin su partinan fastioso cune di parti di SVB a haci un campaña hopi intensivo. Di obheccion cu nos ta hayando te awor aki riba e carta di intencion cu nos a ricibi ta hopi ta bisa cu a duna e trahado, pero no a cumpli cune.
Como doño di trabou mester a sigui evalua cu e trahado pa si e tin e copia di pati di SVB y si esei no ta e caso e tin problema, y ey nan e problema ta sinta.
Sr Jacobs a comenta cu di parti di SVB tin informacionnan cu tin doñonan di trabou ta antidateer un inscripcion. Si e persona a cuminsa traha dia 1 December, a dune e carta simannan despues e caso ey nos a bin riba dje tambe. Ley ta duna SVB e poder cu por bay bek tres aña atras riba un caso.
E multa ta bay abase di bo culpalidad y e intencion, pasobra ora un persona antidata un carta bo ta bezig ta comete fraude, y claro e multa ta bira mas halto. SVB tin te December 2021 pa bin bek riba casonan di December 2018 den un manera di bisa si mester constata cu ta sconde pa trahado durante inscripcion na SVB. Si un doño di trabou no kier tin un trahado mas na trabou e tin cu manda e carta aden pero e lunanan cu el a traha pabo e mester por traha cu e seguridad social cu nos ley ta prescribi.