Directiva, hungadonan y miembronan ta masha contento cu e aceptacion y mas cu claro, cu e partnership cu nan tin hunto cu Stellaris Casino, cu ya caba pa tres aña a deposita nan confianza den nan organisacion. Esaki ta stimula y ta crea lidernan pa nos comunidad, den forma deportivo y recreativo. Sr. Lionel Croes ta amplia.
Directiva di SV Estrella ta gradici Stellaris Casino y tambe Marriott Hotels y ta spera di por conta cu nan sosten den futuro. Diadomingo awo Estrella lo saca un ganado, directamente for di Stellaris Casino y ta invita tur persona cu a cumpra rifa pa ta presente, of si no por ta presenta por sigui e sorteo via radio y television. Tur esunnan cu tin buki, ta hasi un yamada na nan, pa nan cuadra ya cu tin un proceso unda cu notario lo tin cu controla tur documento y papelnan prome cu bay over na saca un ganado.
Lo bay rifa y SV Estrella ta spera cu e 150 buki cu tin ariba caya ainda, pa esunnan cu ainda no a cumpra nan ticket, pa solamente 5 florin por cumpra uno y asina bo liña ta na awa, pa gana e auto di SV Estrella. D’licious lo tey presente na Stellaris Casino, pa deleita e publico presente, tur esten cu bo ta warda ariba e resultado, por hunga den casino y gosa di bon musica.
Un biaha mas, ta haci apelacion na e comunidad pa yuda SV Estrella pa logra nan obhetivo proponi, cu tin como meta pa pone yerba artificial ariba nan tereno na Papilon. Pesey mes e suplica ta bay, pa yuda SV Estrella pa sali for di e 150 buki cu tin ainda pa bende.
Trabaonan di renobacion di e veld ta bay den fase. E prome fase pa renobacion di e veld di SV Estrella, tabata pa pone hekinan banda di e veld, esey cu ayudo y sosten di nan partnernan. Tin proyectonan grandi na caminda, segun Sr. Croes, unda cu ya caba a lanta un Centro di Bario Santa Cruz, presidi bou di guia di Sr. Michel Lopes. Pero e trabaonan lo sigui pa pone yerba artificial ariba e tereno. Pronto lo wak e frutonan den e bario di Sta. Cruz, pa yuda den e desaroyo recreativo y deportivo, y multi cultural pa e bario di Sta. Cruz.
Den Sta. Cruz tin interes bastante halto, pa diferente ramonan di deporte. Hunto cu e Centro di Bario, lo bay traha ariba un proyecto piloto, caminda ta bay en busca di acerca e scolnan basico den bario y logicamente cu e meta pa logra pa nan bira miembro di e organisacion, sea den parti di musica, cultura of recreativo.
Stellaris Casino ta sponsor di SV Estrella ya caba pa tres aña largo. Pa bay over na un sponsorship, Marriott tin su rekisitonan cu mester cumpli cun’e, ta haci un audit pa wak si tur cos ta netjes, pa wak si por bay over na sponsorship. Pero ya caba Marriott & Stellaris Casino lo sigui sponsor SV Estrella pa paar di aña mas. Tur hende cu no a cumpra ticket, cu ta 5 florin so, y abo por e ganador (a) di e auto.