Diasabra tabata tin continuacion di campeonato division Honor di AVB unda cu e team di Paradera/Piedra Plat a topa cu e muchanan di Angochi esta Ind. Caravel. Sv Britannia Western Union ta bin di tres victoria sigui mientras cu Ind. Caravel Burger King ta bin di un empate y dos wega perdi. Nos por a aprecia cu e team di Paradera/Piedra Plat esta Sv Britannia Western Union a yega stadion bunita uniforma y tambe e preparacion pa cu e wega tabata hopi bon organisa. E wega a cuminsa y por a ripara mes ora cu e team di Britannia Western Union ta bon para ariba tereno y mes ora Sv Britannia Western Union a cuminsa domina e wega cu bon pasenan. Den e alineacion di e team di Paradera/Piedra Plat tabata tin varios cambio notabel, den gol a cuminsa e keeper estelar Kendrick Dania mientras cu Bruno Conceicao cu ta e actual goalgetter di Aruba su futbol a cuminsa ariba banki y den medio campo tambe nos a nota cu Jean-Claud Farro a cuminsa den medio campo. No a tarda cu Sv Britannia Western Union a cuminsa domina e wega completo y tabata rota e bala bon pero bastante pasivo. Na final di wega Sv Britannia Western Union ta gana e wega 4-0 cu golnan anota pa Jean Pierre Fingal 2x, Luis “Coco” Estrada 1x y Richard van der Hoest 1x. Di e forma aki tambe Sv Britannia Wester Union ta keda solido na prome luga cu 12 punto den 4 wega hunga y lo mester enfrenta RCA den na proximo compromiso cu lo ta diadomingo 13 di November proximo. Un pabien ta bay pa Ericson Croes y Keano Maduro cu poco poco ta hayando nan minuutnan den hoofdklas.