Diabierna ultimo na C.D.F.B. na Piedra Plat tabata tin bautismo di uniform nobo di SV Britannia unda cu tanto e patrocinadonan, hungadonan, directiva y comision tabata presente pa e ocasion special aki. Presente tabata Sr. Hubert Dirksz di Compra den representacion di Frisian Flag, Sr. Ronnie van Trigt den representacion di Total Finance y Western Union, Sr. Franklyn Bareño den representacion di Bright Bakery y Sr. Beto Wernet den representacion di Vitamalt.

E anochi tabata un anochi ameno unda cu tur e hungadonan tabata tin oportunidad pa conose e patrocinadonan di e team di Britannia y tambe e presidente Sr. Cedric Werleman y Eddie Berg como comision di division Honor a hiba palabra. Algo masha remarcabel cu a bin dilanti ta cu SV Britannia ta cu un renobacion di nan ekipo mayor unda cu practicamente 80% ta consisti di hungadonan hoben y di nan propio farm team.

Despues di e bautismo tabata tin e oportunidad pa como y bebe algun y mentalmente prepara pa e wega contra di Bubali pa locual e prome wega di Copa Betico Croes 2019. Asina SV Britannia a enfrenta Bubali diaranson den nan uniform nobo y tabata sa di gana Bubali cu score di 3-0. Golnan a wordo anota pa e hobennan; David Castro, Thionne Oduber y Luis Estrada.

E ambiente den stadion Frans Figaroa na Noord tabata sublime unda cu tabata tin mas di 100 fanatico apoyando nan team faborito. Nos ta desea SV Britannia tur clase di exito pa e resto di Copa Betico Croes y tambe pa di dos rond di campeonato regular.

Comments

comments