Mañan diamars SV Britannia Bright Bakery ta continua cu su preparacion pa campeonato 2016/17 ora cu nan enfrenta Ind. Caravel den un training oficial den Compleho Deportivo Franklyn Bareño na Piedra Plat. E wega di awe nochi lo cuminsa pa exactamente 8’or di anochi y lo wordo dirigi pa un referee oficial di AVB. Entrada lo ta completamente gratis mientras cu bar y cushina lo ta bon surti pa e fanaticadanan. Tanto Sv Britannia Bright Bakery como Ind. Caravel ta preparando fuertemente pa e campeonato cu ta cla pa cuminsa diabierna 23 proximo. Di otro banda Sv Britannia tambe lo hunga un wega oficial di AVB cu lo carga e nomber Copa Amistad ora cu e pumanan enfrenta e narajadanan di St Cruz esta Estrella otro siman diasabra den C.D. Guillermo P. Trinidad net prome cu e wega entre e campeonnan di Aruba esta RCA enfrenta e campeon di St Maarten Concordia. Pa e wega di awe nochi ta haci un invitacion na tur e fanaticonan di Sv Britannia Bright Bakery y di Caiquetio pa bin presencia e wega pasobra mañan anochi nos lo wak e nivel di wega di ambos equipo. Nos ta spera boso mañan anochi pa 8’or den Compleho Deportivo Franklyn Bareño na Piedra Plat.