Suspenso a caba: Cohete Chines a cay den lama Indico

E suspenso den cual mundo tabata a caba. E cohete Chines cu tabata for di control a cay for di orbita diasabra rond di 11’or anochi y a bolbe drenta atmosfera di mundo, segun agencia espacial di China.

E cohete transportador di Long March 5B tabatin un area di aterisahe calcula di 72,47 ° E di longitud y 2,65 ° N di latitud, husto na west di Maldivas den Oceano Indico, e Agencia Espacial Nacional di China a bisa den un publicacion.

Gran mayoria di e cohete a wordo destrui den su reentrada den atmosfera, e agencia a espacial.

E cohete, cu tabata midi rond di 30 meter halto y tabata pisa casi 22 ton, a pone den orbita un piesa di un station espacial nobo di China dia 29 di april. Despues cu su fuel a caba, e cohete a cuminsa cay sin control den espacio te ora cu gravedad di mundo a lastr’e bek pa suelo.

Generalmente, comunidad espacial internacional ta trata di evita escenarionan asina. Mayoria di e cohetenan cu a uza pa lanta satelitenan y otro obhetonan pa espacio, ta haci reentrada mas controla direccion di lama of ta keda den e santana di orbita cu ta mantene nan den espacio durante decada of siglo. Pero  cohete Long March ta diseña di un forma cu ta laga un gran cantidad di peisa den e parti abou di orbita.

Den e caso aki, tabata imposibel pa tin e siguransa di ki momento of unda e lo baha.

Agencia Espacial Europeo a predici un zona di riesgo cu ta encera cualkier parti di superficie di mundo entre mas o menos 41,5 N y 41,5 S di latitud, cu practicamente tabata inclui henter e continente Americano abou di New York, henter Africa y Australia, partinan di Asia, zuid di Hapon y Spaña, Portugal, Italia y Grecia.

E cohete ta un di e obhetonan mas grandi den memoria recien cu a golpia mundo despues di a cay pafo di orbita, despues di e incidente di 2018 den cual parti di un laboratorio espacial Chines a kibra riba Oceano Pacifico y e reentrada, den 2020, di un cohete Long March 5B.

 

Comments

comments