Tiramento di sushi riba caya ta trece problema durante awasero, segun Marlon Pietersz di Bureau City Inspector. Sushedad tin un moda pa yega di punta A pa punto B. Sea cu auto, sea cu e ta bula bay, etc. y den e caso aki, awa. Kiermen hopi di nos hendenan mes ta bezig of tabata bezig tirando sushi den mondi y awor aki door cu awasero a cay, e ta end up den cura di hende, e ta end up den rooi, e ta endup den duikernan, causando tur sorto di problema y tur sorto di sushedad extra riba dje.
Si nos mes no cuida nos medio ambiente, ta nos mes ta dañando e y nos ta bay dañe mas y mas atrobe. Ta pesey ta pidi encarecidamente, cu si tin sushi, get rid di dje. Bo tin pick up, tira afo. Yama un compania, pa bin busca e sushi. Dump ta pornada pa hiba sushi. Kico e ta costa pa bay di punto A pa punto B. Contesta cu ta haya, ta mucho leu. E no ta mucho leu. Alaska ta leu, Noordpool ta leu, Luna ta leu, Solo ta mas leu. Dump no ta leu. Di un manera of otro bo ta yega. No tira sushedad den mondi, pasobra esaki ta e consecuencia cu ta haya. A bay tira un control rond y a geef door na DOW, cual nan ta bay check esey. E duiker na Rooi Afo atrobe un banda ta yen di sushi. Mester control tur e otro duikernan rond, pasobra e sushedad atrobe ta sali di punta A y ta yega punto B of ta yega na e duiker y ta stroba e awa bay su caminda.
Tin basta hende cu ta floho di tira e sushi caminda e mester ta, pone den un saco of yama un compania pa nan bin tir’e afo pa nan. Ta mas facil pa tir’e tras di cura of pone den e baki di pickup y sali cu e intencion di bay dump, pero na caminda pa drenta mondi y tir’e eyden. Mas facil ta pasobra no mester core leu y gasta gasolin. Sorry hendenan. E ta zona duro, pero ta e berdad amargo. Nos mester ta mas conciente di nos mes y nos mester wak nos mes den spiel tur ora cu nos lanta bay for di cama. En berdad kico ta bay haci riba e dia di awa. Ban tene e luga limpi.
Pietersz a comenta cu como ser humano, e kier tene su isla limpi. E por tene su isla limpi, pero tin hopi cu no kier. E competencia ta, pa ban tene Aruba sushi, of ban tene Limpi.
Ora cu bisa cierto hendenan riba caya of den e awa, no cana aden, pasobra tin hopi tipo di sushi no ta pa malo e ta wordo bisa, pero tin cierto hendenan ta tum’e na malo, manera cu ta rebaha kier rebaha nan. Pietersz sa kico e ta y con e ta ora cu awa drenta den cas, yen’e, 10, 20 of 30 centimer of hasta un meter. No ta pa malo ta bisa pa no cana den e awa ey. E cas ta yen caba y lage para, saca tur cos, bay cerca un famia, laga e awa, pasobra bo no por haci nada toch. Gobierno, ni ningun hende no por haci nada.
Pietersz no ta un experto, ni ingeniero, pero e common sense, lama ta halto, e awa cu ta bin di Rooi y dam ta pasa bay, e ta yega te pabao, e no ta yega su caminda pa pusha bay afo door di tur e rioleringnan, pasobra lama ta push’e bek paden. E no ta haya su luga pa bay constantemente. Tera ta satura, e tera no ta chupa e awa mas. E ta keda para. No por bringa naturalesa. Loke tin cu haci ta warda te ora cu e cos aki caba di pasa, cu e awa baha y e ora ey pa bay haci lo mas miho pa e isla atrobe y siña di dje. Si ta di inventa di wiel di nobo, ta haci’e. E cos aki cu a pasa diadomingo, e consecuencia ta pa nos mes. Nos ta esunnan cu mester tene Aruba limpi. Nos tin cu haci Aruba limpi y mester wak bon y prepara nos mes. Nos no ta haya e tipo di yobida aki tur siman of algo, pero ora nos hay’e, nos ta haye cu terugwerkende kracht. Prepara bo mes. Si nos ta keha cu Gobierno no a haci nada. Pero un biaha mas tin cu bisa. Cu e fenomeno aki, ningun hende no por haci nada, segun Marlon Pietersz.