Paramaribo, SURINAM- Ta pa dos aña caba cu Suriname ta pasando den un crisis economico pisa. E descontento riba esaki t’ey for di basta tempo, pero e aumento di e prijs di gasoline cu 10% na comienso di April, a pone awa pasa hariña. E reduccion den prijsnan di oro y petroleo ta causante principal di e crisis, pero tambe corupcion y mal maneho di e finansas publico a contribui cu esaki.
E participacion di diamars tabata un tiki mas halto cu siman pasa diamars, caminda tambe tabata tin protestanan. E biaha aki e demostracion a transcuri sin violencia. Door cu e organisadonan di e protesta a pidi permiso pa e marcha, e Mobiele Eenheid a mantene su mes den background. Durante e protesta di biaha pasa, polisnan a actua cu man duro.
No tur lider of sindicalistanan tabata di acuerdo cu permiso pa protesta. Nan ta haya cu ta nan derecho constitucional pa protesta.