E siguiente 10 dianan e tenista Surina Chuckaree (16) lo ta bishitando Gildemeister Tennisacademy na Tampa, Florida.
Surina a bay over pa VWO 5 y ta alumno di DTS tennisschool di Dhany Tromp. Awo e tin 3 aña tumando les.
Su coach Dhany, ta opina cu e ta un alumno masha ehemplar cu disiplina, sentido grandi di responsabilidad y talento combina cu pasion pa e deporte aki.
E gran ehempel pa Surina ta e tenistanan mundial Serena Williams y Roger Federer.
Durante e 10 dianan na Tampa, Surina lo participa na diferente training, entre otro pa condition y lo e ta participando na 2 torneo.
Tur compañe, su famia y tambe coach Dhany ta desea Surina tur clase di exito y cu e disfruta di e tenniscamp aki hopi.