LAS VEGAS, Merca- E candidata di Surafrica, Demi-Leigh Nel-Peters, di 22 aña, diadomingo anochi a wordo corona como Miss Universo 2017, cual a wordo celebra na Las Vegas.
E di dos luga a bay pa e Colombiano Laura Gonzales y e di tres luga a bay pa e Jaimaquino Davina Bennet.
Esaki ta e di dos biaha den e historia di e certamen cu un candidato di Surafrica ta logra e corona tan anhela aki, despues di e victoria cu su pais a obtene na 1978, den persona di Margareth Gardiner.
E hoben procedente di Sedgefield, a ricibi e corona di e Francs Iris Mittenaere, kende a gana e titulo di Miss Universo na 2016.
Den e edicion di e certamen di beyesa aki, a introduci pa prome biaha un seleccion pa zona geografico: 4 di Europa, 4 di Asia/Pacifico y 4 di America, sigui pa cuater hoben mas cu a wordo eligi door di e sies miembronan di hurado.
Di e 16 finalistanan, a elimina 6 den un prome fase, y a keda 10, entre cual tabata tin Venezuela, Spaña, Brazil y Colombia.
E Venezolano, Keysi Sayago a logra pasa pa e ultimo 5 finalistanan di cinco, pero solamente Laura Gonzales, di Colombia a clasifica pa final, a pesar di cu e mester a conforma su mes cu e di dos luga.
Fuente: https://www.infobae.com